En defensa’l asturianu

Apoyamos la oficialidá de la llingüa asturiana y rechazamos les campañes que ataquen un patrimoniu común.

El asturianu y la fala son patrimoniu cultural de toes les persones que mos sentimos parte de Asturies, vivamos aquí o na emigración. Formen parte de la nuesa hestoria y son la herencia de un pueblu enfotau nel amor a la llibertá y a la so tierra.

Nun entendemos a los grupos que por intereses de plazu curtiu y personales busquen salir nos periódicos despreciando lo que representa por igual a la derecha que a la izquierda, a la xente mozo o a la xente mayor. La llingüa nun ye cosa de un grupu de persones sinon de tol pueblu asturianu. Nun entendemos porque dalgunos quieren cargase una llingua que ye parte de la nuesa cultura ensin dar una sola razón pa ello

La identidá de Asturies nun se construye escontra naide, sinon que ye una identidá inclusiva que nunca punxo nomes a quien venía de fuera a trabayar y ganar el pan nesta tierra, de la misma forma que munchos asturianos y asturianes siguen marchando pel mundu alantre a buscar trabayu. Esa tien que seguir siendo la nuesa seña de identidá y por eso nun caben les campañes que busquen dividir.

Tenemos una tierra atopadiza y queremos que sea afayadiza. Que toles persones que venguen a vivir equí o de visita se alcuentren a gustu, vengan de Madrid, de Senegal o de Cataluña. Por eso les campañes que se basen en dividir a la xente y crear problemes donde nun los hay, sobren n’Asturies.

Un país ye más ricu con la diversidá, de llingúes, de cultures, con la biodiversidá. Basta ya de creer que les coses tienen que ser solo de la manera que quieren dangunes persones. Tenemos derechu a falar y a escribir na llingúa de les nueses güeles y eso nun faz mal a naide.

Deja un comentario